Personal nga gitunol ni DOLE Secretary Francis Tolentino ang Certificate of Availment alang sa DOLE Integrated Livelihood and Emergency Employment Program (DILEEP) ngadto sa Local Government Unit (LGU) sa General Santos City atol sa programa nga gihimo niadtong Hulyo 3, 2026 sa Oval Plaza.
Personal usab nga gidawat ni General Santos City Mayor Lorelie Pacquiao ang maong sertipiko nga naglangkob sa pondo alang sa nagkalain-laing programa sa Department of Labor and Employment (DOLE).
Ubos sa DOLE Integrated Livelihood Program (DILP), nakadawat ang LGU General Santos og ₱50,000,000 aron suportahan ang mga livelihood projects ug mapalig-on ang panginabuhian sa mga benepisyaryo sa siyudad.
Gawas niini, gitunol usab ang ₱24,420,125 alang sa Tulong Panghanapbuhay sa Ating Disadvantaged/Displaced Workers (TUPAD) Program, nga maghatag og temporaryong trabaho ug kita sa mga kwalipikadong benepisyaryo.
Samtang, ang Modelong Tricycle Drivers in Gensan Transport Cooperative nakadawat usab og ₱3,270,000 ubos sa DILP aron suportahan ang ilang panginabuhian ug mapalambo pa ang operasyon sa kooperatiba.
Sa kinatibuk-an, miabot sa ₱77,690,125 ang kantidad sa tabang nga gihatag sa DOLE alang sa General Santos City ug sa mga benepisyaryo niini, isip kabahin sa padayon nga paningkamot sa gobyerno sa pagpalambo sa panginabuhian ug paghatag og dugang oportunidad sa trabaho alang sa mga Gensanon.
