Nadakpan sa nagkadaiyang operasyon sa kapulisan ang upat ka wanted persons, lakip ang tulo ka top most wanted persons sa probinsyal ug munisipal nga lebel sa Zamboanga Sibugay niadtong Hulyo 3.
Sa hiniusang operasyon nga gipangulohan sa Kabasalan Municipal Police Station, nadakpan ang usa ka lalaki nga gipangita tungod sa kasong murder ug nakalista isip Top 2 Most Wanted Person sa probinsyal ug munisipal nga lebel sa Kabasalan.
Sa laing operasyon, nasikop usab ang usa ka suspek nga wanted sa maong kaso ug nakalista isip Top 9 Most Wanted Person sa munisipal nga lebel.
Samtang sa operasyon nga gipangulohan sa Regional Mobile Force Battalion 9 uban sa Kabasalan MPS, PIU, PIDMU ug 106th Infantry Battalion sa Philippine Army, nadakpan ang usa pa ka suspek nga wanted sa kasong murder ug nakalista isip Top 1 Most Wanted Person sa probinsyal nga lebel.
Sa laing bahin, nadakpan usab sa Olutanga Municipal Police Station ug uban pang mga unit ang usa ka lalaki nga giisyuhan og warrant of arrest tungod sa kasong statutory rape.
Gidayeg ni PCOL Barnard Danie V. Dasugo, Provincial Director sa Zamboanga Sibugay Police Provincial Office, ang mga operating units tungod sa ilang dedikasyon ug propesyonalismo sa pagpatuman sa balaod.
Matud ni Dasugo, padayon nilang pakusgon ang manhunt operations aron masiguro nga maatubang sa husgado ang mga wanted persons ug mapadayon ang kalinaw ug kaluwasan sa mga komunidad sa Zamboanga Sibugay.
Photo Courtesy:x.com
