Gilauman nga ang gitukod nga dialysis center sa National Kidney Transplant Institute (NKTI) mahimong labing dako nga pasilidad sa maong klase sa tibuok Southeast Asia,
Sumala ni Presidenti Ferdinand Marcos Jr. gilantaw nga magsilbi kining modernong pasilidad sa unang bahin sa tuig 2028 aron mapalapad ang serbisyong medikal para sa mga Pilipino nga nag-antos sa Chronic Kidney Disease (CKD).
Gihimo sa gobyerno ang maong lakang tungod kay kapin sa 11 porsyento sa populasyon sa Pilipinas ang apektado na sa maong sakit, hinungdan nga gipakusgan pa ang mga programa sa pagpugong ug pagtambal niini. Dungan niini, padayon usab nga gipalig-on sa kagamhanan ang mga benepisyo sa PhilHealth alang sa mga pasyente nga nangita og hemodialysis treatment.
Kini nga proyekto nagtumong sa paghatag og dako nga kahupayan sa liboan ka mga pasyente nga nagkinahanglan og regular nga pag-dialysis.
Pinaagi sa mas ubos nga gasto ug mas modernong pasilidad, gilauman nga mas mapagaan ang palas-anon sa mga pamilyang Pilipino nga naigo niining maong sakit.
Photo Courtesy: Presidential Communications Office
