Nagpasidaan ang Fitch Ratings nga posibleng mosaka ang bad loans o mga utang nga lisod na mabayran sa mga bangko sa Pilipinas tungod sa hinay nga pagtubo sa ekonomiya ug pagtaas sa gasto sa panginabuhi.
Matud sa credit rating agency, mahimong maapektuhan ang kita sa mga bangko tungod sa posibleng pagdaghan sa credit losses ug panginahanglan nga mag-andam og dugang pondo alang sa mga utang nga dili mabayran.
Gipasabot usab sa Fitch nga ang consumer loans sama sa credit card debts ang usa sa mga kinahanglan bantayan tungod sa risgo kung mokunhod ang kapasidad sa mga konsumidor sa pagbayad.
Bisan pa niini, gilauman nga magpabiling lig-on ang banking sector sa Pilipinas, apan kinahanglan ang mas mabinantayong pagdumala sa pagpautang aron mapadayon ang kalig-on sa sistemang pinansyal sa nasud
Photo Courtesy: International Finance Magazine
