Gipadayon sa mga rescue team ang Search and Rescue sa mga biktima human sa duha ka kusog nga linog nga miigo sa Venezuela. Mokabat na sa 188 ka tawo ang kumpirmadong namatay samtang kapin 1,500 usab ang nasamdan, sumala sa presidente sa National Assembly sa nasud.
Gituohang mosaka pa ang ihap sa mga namatay tungod kay daghan pa ang gikatahong nawala ug posibleng natanggong ilawom sa mga nagun-ob nga establisemento. Ang ikaduhang linog maoy giingong pinakakusog nga natala sa Venezuela sulod sa kapin usa ka siglo.
Daghang residente sa Caracas, port city sa La Guaira, ug mga kasikbit nga komunidad ang napugos pagbakwit tungod sa kahadlok sa posibleng aftershocks ug tungod kay nadaot o naguba ang ilang mga panimalay.
Padayon usab ang paghatag og temporaryong kapuy-an, pagkaon, tubig ug medikal nga tabang sa mga apektadong pamilya.
Photo Courtesy: CNN
