Gipahayag sa Energy Regulatory Commission (ERC) nga nagpabilin nga hinay ang dagan sa pagpatuman sa renewable energy (RE) sa nasod, ug wala kini sa saktong kadasig aron makab-ot ang target nga 35 porsyento nga bahin sa power mix sa dili pa moabot ang tuig 2030.
Giklaro sa ahensya nga ang maong kalangan wala magagikan sa kakuwang sa suporta sa gobyerno, kondili tungod sa mga suliran sama sa dugay nga mga regulatory approval, kakuwang sa grid connections, ug mga karaan nga patakaran sa merkado.
Isip solusyon, gipagawas sa ERC ang usa ka mahinungdanong lakang diin gitugotan na ang mga generation companies ug ang National Transmission Co. (TransCo) nga motukod sa ilang kaugalingong mga pasilidad sa transmisyon aron matangtang ang labing dako nga babag sa pagsumpay sa mga RE nga proyekto ngadto sa linya sa kuryente.
Sa pikas bahin, gipahibalo sa National Grid Corp. of the Philippines (NGCP) nga ilaha nang ginasusi ang maong bag-ong lagda sa ERC aron masiguro nga mapanalipdan ang nasudnong grid subay sa ilang mga katungod ug obligasyon ubos sa ilang kasamtangang kontrata ug prangkisa.
Photo Courtesy: Power Philippines
