Gipahinumdoman sa Commission on Higher Education (CHED) ang publiko nga hangtod Hunyo 30 na lamang ang aplikasyon alang sa Bagong Pilipinas Merit Scholarship Program (BPMSP).
Ang maong scholarship naghatag og suporta sa ubang balayronon sa eskwelahan, stipend allowance alang sa mga kwalipikadong estudyante nga mosulod sa kolehiyo o Technical-Vocational Education and Training programs.
Aron mahimong kwalipikado, kinahanglan adunay general weighted average nga dili moubos sa 95 porsyento o apil sa top five graduates sa ilang batch. Kinahanglan usab nga incoming first-year college student ug adunay combined annual family income nga dili molapas sa P2 million.
Ang mahimong benepisyaryo kinahanglan usab nga mo-enrol sa mga prayoridad nga kurso sa mga CHED accredited higher education institutions.
Ang aplikasyon himuon pinaagi sa online portal sa BPMSP pinaagi sa pag-upload sa mga gikinahanglang dokumento sama sa PSA birth certificate ug pamatuod sa kita sa pamilya.
Ubos sa programa, ang mga estudyante sa state ug local universities and colleges adunay bug-os nga coverage sa tuition ug ubang school fees.
Samtang ang mga estudyante sa pribadong eskwelahan mahimong makadawat hangtod P45,000 matag tuig alang sa tuition ug school fees.
Makadawat usab ang mga scholars og P45,000 nga stipend ug allowance matag tuig ug may Academic Excellence Incentive nga P18,000 sa matag termino alang sa top-performing scholars.
Pagpahinumdom sa CHED nga aron mapadayon ang scholarship, kinahanglan mapasar sa estudyante ang tanang subjects matag semester ug motuman sa one-year service requirement sa Pilipinas matag tuig nga ilang nadawat nga benepisyo gikan sa programa.
Photo Courtesy: wikipedia
