Nagpagawas ug official statement ang National Police Commission (NAPOLCOM) Region 9 kabahin sa viral nga CCTV footage nga nagpakita sa usa ka Police Corporal nga nanion og armas ngadto sa usa ka sibilyan sa Dapitan City, Zamboanga del Norte.
Segon sa report, ang pulis nga nalambigit sa viral video usa ka aktibong miyembro sa Philippine National Police ug nakadestino sa Sapang Dalaga Municipal Police Station sa Misamis Occidental, samtang ang biktima usa ka 35-anyos, construction worker nga taga-Barangay Antipolo, Dapitan City.
Sa karon mitahan na sa kapulisan ang maong police personnel ug gilayon nga gibalhin sa headquarters sa Misamis Occidental Police Provincial Office diin gikumpiska usab ang iyang service firearm ug nadus na usab ang kasong Grave Threat ngadto sa City Prosecutor’s Office.
Gipadayag sa NAPOLCOM 9 nga padayon nilang gisubay aron mapadali ang pormal nga pagpasaka sa administrative charges sa kasong grave misconduct ug conduct of Unbecoming a police officer batok sa maong pulis nga nalambigit sa insidente.
Gipahinumdoman usab sa NAPOLCOM 9 ang tanang miyembro sa PNP nga magpabiling disiplinado, ug magmatngon sa paggamit sa ilang armas nga tuyo lang sa pagpanalipod sa katawhan ug dili sa pagpanghadlok.
Photo Courtesy:NAPOLCOM 9
