Nakab-ot sa probinsya sa Zamboanga del Sur ang 97.94% nga compliance rate sa 2025 Barangay Peace and Order Committee (BPOC) Functionality Audit nga gipasiugdahan sa Department of the Interior and Local Government (DILG) Zamboanga del Sur ubos sa Reprogrammed 2026 SGLGB.
Kini nga resulta nagpakita sa lig-on nga dedikasyon sa mga kabaranggayan sa pagpalig-on sa kalinaw ug kahapsay, kaluwasan sa komunidad, ug epektibong pagdumala sa lokal nga lebel.
Sa maong compliance rate, 667 ka mga barangay ang malampusong nakapasar, nga nagpakita sa hiniusang paningkamot sa mga barangay officials, BPOC members, ug sa tanang partner stakeholders sa tibuok Zamboanga del Sur.
Tungod niini, gidayeg sa DILG Zamboanga del Sur ang padayon nga commitment sa tanang mga kabarangayan nga nakatampo sa maayong resulta.
Ang 97.94% nga provincial compliance rate usa ka ebidensya sa paningkamot ug panaghiusa sa mga opisyal sa barangay, BPOC members, ug sa tanang stakeholders sa tibuok lalawigan.
Photo Courtesy: DILG ZAMBOANGA DEL SUR
