Disiplina ang pinakamahinungdanong legasiya nga gibilin ni outgoing BFP Region 9 Regional Director, FCSUPT Jerry D. Candido ngadto sa iyang mga mga ginsakupang mga personahe sa rehiyon nueve.
Atol sa send-off ceremony nga gipahigayon sa Bureau of Fire Protection Region 9 nga gihimo kagahapon, Hunyo 24, 2026, gipasiugda ni Outgoing FCSUPT Candido nga ang disiplina maoy pundasyon sa propesyonalismo, integridad, ug maayong pag-alagad sa publiko.
Matud pa niya, pinaagi sa disiplina nga gihuptan sa matag personahe nakabaton ug daghang mga pasidungog ang rehiyon ug labaw niana nga nahimong visible na ang mga kabomberohan sa paghimo ug mga response operations.
Atol sa seremonya, gipasalamatan usab niya ang tanang opisyal ug personnel sa BFP Region 9 alang sa ilang kooperasyon ug dedikasyon sa paghatag og serbisyo sa publiko atol sa iyang pagpangulo.
Samtang, iya usab nga giawhag ang mga personnel nga ipadayon ang kultura sa disiplina, panaghiusa, ug matinud-anong pag-alagad aron mapadayon ang kalampusan sa Bureau of Fire Protection sa rehiyon 9.
