Dakpan sa mga operatiba sa Alangalang Municipal Police Station ang suspek nga giila sa alyas nga “Jude,” 70-anyos residente sa Alang-alang, Leyte, nga nakalista isip Number 7 Most Wanted Person sa probinsyal nga lebel sa Leyte. Nadakpan siya pinaagi sa mga warrant of arrest nga gipagawas sa Regional Trial Court Branch 34 tungod sa duha ka kaso sa qualified rape, diin walay gitakdang piyansa alang sa iyang temporaryong kagawasan.
Samtang, nasikop usab sa mga operatiba sa Dagami Municipal Police Station ang suspek nga giila sa alyas nga “Ian,” 42-anyos ug residente sa lungsod sa Dagami, nga nakalista isip Top 4 Most Wanted Person sa municipal level sa Dagami, Leyte. Nadakpan siya pinaagi sa warrant of arrest nga gipagawas sa Regional Trial Court Branch 15 diin wala kiniy girekomendang piyansa.
Gipahibalo ang duha ka akusado sa hinungdan sa ilang pagdakop ug sa ilang mga katungod sumala sa Konstitusyon pinaagi sa lengwahe nga ilang nasabtan.
Sa kasamtangan, anaa na sila sa kustodiya sa ilang tagsa-tagsang operating units alang sa hustong dokumentasyon ug mga pamaagi sa dili pa sila itugyan sa mga korte nga nagpagawas sa mga warrant batok kanila.
Photo Courtesy: PNP LPPO
