Nag positibo ang usa ka pasyente sa France sa Ebola human mibalik gikan sa usa ka humanitarian mission sa usa ka lugar sa Democratic Republic of the Congo diin aktibo pa ang pagkatap sa maong sakit.
Sumala sa French Health Ministry, dali nga gimonitor ug gitambalan ang pasyente aron malikayan ang posibleng pagkatap sa virus ngadto sa ubang mga tawo. Gisubay usab sa mga awtoridad sa panglawas ang mga indibidwal nga adunay suod nga kontak sa maong pasyente isip kabahin sa contact tracing measures.
Ang Ebola usa ka seryosong sakit nga mahimong makamatay ug kasagarang mokatap pinaagi sa direktang kontak sa dugo o uban pang lawasnong pluwido sa nataptan nga tawo o hayop.
Padayon karon ang pagpatuman sa mga lakang sa panglawas sa France aron masiguro nga mapugngan ang dugang nga pagkatap sa virus, samtang nagbantay usab ang internasyonal nga komunidad sa kahimtang sa Democratic Republic of the Congo diin adunay mga kaso sa Ebola.
Photo Courtesy: AP News
