Milandig sa balay tambalanan ang usa ka Punong Ministro sa Punjab nga si Bhagwant Mann human nga giingong nakainom ug tubig gikan sa Kali Bein River nga usa ka suba nga giingong kontaminado sa hugaw.
Base sa report, atol sa anibersaryo sa pagpanglimpyo sa suba giingong mikuha ug tubig si Mann aron ipakita sa mga tawo nga luwas ug limpyo kini. Apan sa wala damha nga panghitabo, pipila lamang kaminuto human sa iyang pag-inom nakasinati na siya ug sakit sa tiyan ug gidala sa Apollo Indraprastha Hospital sa Delhi.
Human niini, daling gitambalan ang biktima ug sumala pa sa mga doktor nga nakasinati siya ug sakit sa tiyan gumikan ang nainom niini nga tubig hugaw ug delikado.
Ang maong panghitabo daling nagviral sa social media ug nakaani ug lain lain nga reaskyon gikan sa mga netizens. Matod pa sa uban nga napamatud-an gayud niini nga ang maong suba hugaw ug dili mainom.
Samtang human sa pagka-ospital sa biktima gi-discharge ra usab siya human na-stabilize ang iyang kondisyon. Ang maong insidente nagpahinumdom sa tanan nga dili angay magpa-impres og butang nga dili tinuod, kay sa ulahi mogawas ra gihapon ang kamatuoran, sama sa kahimtang sa tubig nga makadaot diay sa panlawas sa tawo.
Photo Courtesy: Arab News
