Arestado ang usa ka gituohang tigpayuhot ug ginadiling droga atol sa gipatumang buy bust operation sa mga otoridad didto sa Purok Dalisay 1, Barangay Matiao, Mati City, pasado alas 4:00 sa hapon niadtong Hunyo 20, 2026.
Ang operasyon gihimo sa mga personahe sa Mati City Police Station, kauban ang mga operatiba sa Provincial Intelligence Unit DOPPO ug sa koordinasyon sa Philippine Drug Enforcement Agency (PDEA) nga miresulta sa pagkasikop ni alyas “Kol”, usa ka 27-anyos nga lalaki.
Narekober gikan sa suspetsado ang gituohang shabu nga gibana banaang adunay standard drug price nga Php2,040.00 ug lakip sa nakumpiska ang buy bust money nga gigamit sa maong operasyon.
Sa pagkakaron ang suspek uban sa nakumpiskang ebidensya anaa na sa kustodiya sa Mati City Police Station alang sa hustong dokumentasyon ug pagpasaka ug kaso nga paglapas sa Republic Act 9165 kun Comprehensive Dangerous Drugs Act of 2002.
Photo Courtesy: Mati CPS
