Nasakmit ang mokabat sa kapin sa 4 million pesos nga kantidad sa smuggled nga sigarilyo ug nasikop ang usa ka indibidwal pinaagi sa gipahigayon nga intel driven operation sa Brgy. Potungan, Dapitan City niadtong Hunyo 19 ning tuiga. Ang dinakpan usa ka 41-anyos nga lalaki, driver ug residente sa Brgy.Turno, Dipolog City.
Gipangunahan sa mga personahe sa Zamboanga del Norte Provincial Intelligence Unit sa koordinasyon sa Zamboanga del Norte 1st Provincial Mobile Force Company ang maong operasyon.
Nasakmit an 52 ka master case sa D and J Menthol cigarettes, 6 ka master cases sa Champion Cigarettes, 3 ka master case sa Astro, 2 ka master case sa Dunston, ug tag usa ka master case sa Cannon, Fort, Royal, Axis, tough, Farstar ug Rasean cigarette.
Mokabat sa kinatibuk-ang 70 ka mga master cases ang nasakmit nga nagkantidad ug Php4,011,000.00 base sa standard price sa Bureau of Customs.
Ang dinakpan ug ang nakumpiska nga mga kontrabando gidala ngadto sa kustudiya sa Dapitan City Police Station alang sa tukmang disposisyon.
Photo Courtesy: Dapitan CPS
