Gisugyot nga House Bill No. 9891 o nailhang Paternity and Parental Leave Act (PAPA Leave Act), gisang-at sa Kamara aron lugwayan ang mga benepisyo sa paternity leave gikan sa kasamtangang pito ka adlaw ngadto sa 105 ka adlaw.
Ang gisugyot nga PAPA Leave Act, nagtumong sa pagpalig-on sa responsableng pagkaginikanan, relasyon sa pamilya, ug paglambo sa bata pinaagi sa paghatag sa mga amahan ug oportunidad nga magpabilin uban sa ilang mga anak sa sayong bahin sa ilang kinabuhi niini.
Ubos niini, ang paternity leave mahimong 90 ka adlaw alang sa live birth sa usa ka partner ug 60 ka adlaw kung makuhaan ang gisabak o emergency termination. Gipahayag usab niini nga ang dugang nga 15 ka adlaw nga bayad nga leave sa ginikanan mahimong ma-avail, sulod sa usa ka tuig gikan sa pagkahimugso sa kauban.
Ang maong balaudnon naglatid pa nga ang paternity leave mahimong ma-avail sa dili pa o human manganak ang asawa. Kini usab pwede alang sa mga minyo nga mga empleyado nga lalaki, tungod kay mahimo usab kini nga ma-apply sa mga dili kasal nga amahan ug alternatibong mga tig-atiman, nga adunay hinungdanon nga papel sa pagpadako sa usa ka bag-ong natawo nga bata.
Sa higayon nga ang amahan o alternatibong tig-atiman mapakyas sa pagtuman sa iyang mga katungdanan samtang anaa sa paternity leave, kini makonsiderar nga kalapasan ubos sa Republic Act 9262 o ang Anti-Violence Against Women and Their Children Act of 2004. Ang gisugyot nga PAPA Leave Act gisang-at ni Akbayan Party-list Rep. Chel Diokno, Percival Cendaña, ug Dadah Kiram Ismula, ug si Dinagat Islands Rep. Kaka Bag-ao.
Photo Courtesy: Onsurity
