Gimandoan sa Department of Labor and Employment (DOLE) ang tag-iya ug kontraktor sa nahugno nga siyam ka andana nga building sa Angeles City, Pampanga nga mobayad og kapin P11.4 milyon nga multa ug uban pang administratibong obligasyon.
Sumala sa DOLE, ang silot naglangkob sa mga paglapas sa labor standards ug sa Occupational Safety and Health Standards Act, nga nadiskobrehan atol sa imbestigasyon sa maong insidente.
Gibutyag sa ahensya nga adunay seryosong kakulangan sa safety measures, lakip ang kakulang sa personal protective equipment ug dili angay nga pasilidad alang sa mga mamumuo.
Ang maong mga paglapas giingong nakatampo sa pagkahugno sa building nga mikalas sa kinabuhi sa 30 ka trabahante, hinungdan nga gipahamtangan og silot ang mga responsable sa proyekto.
Photo Courtesy: LA Times
