Gipahibalo sa gobyerno sa Pilipinas nga natangtang na ang kontrobersyal nga floating platform nga kaniadto, nakita sa Scarborough Shoal, ang usa ka lugar nga adunay nagpadayong panaglalis sa teritoryo tali sa Pilipinas ug China.
Sumala sa mga opisyal, ang pagkawala sa maong estruktura, usa ka positibong kalambuan sa sitwasyon sa lugar. Padayon usab nga gimonitor sa mga ahensya sa gobyerno ang kahimtang, aron masiguro ang kalinaw ug kaluwasan sa kadagatan.
Bisan pa niini, gihingusgan sa Pilipinas ang iyang lig-on nga pagbarog sa pagpanalipod sa soberanong katungod ug interes sa nasud sulod sa West Philippine Sea. Samtang nagpadayon ang diplomatikong pakigdayalogo sa ubang nasud nga adunay kalabutan sa maong isyu.
Photo Courtesy: PCG
