Nanguna na ang social media ug online video platforms isip pangunang plataporma sa pagkuha og balita ug impormasyon sa daghang mga konsumidor sa tibuok kalibutan, sumala sa usa ka bag-ong report nga gipagawas sa Paris, France.
Gipakita sa report nga mas daghang tawo ang naggamit karon og digital platforms kaysa sa tradisyonal nga media sama sa telebisyon, radyo ug mantalaan aron makasubay sa mga nahitabo sa lokal ug internasyonal nga lebel.
Gipasidan-an usab nga nag-atubang og dakong hagit ang mga tradisyonal nga media organizations tungod sa pag-usab sa batasan sa mga tigpaminaw, tigbasa ug tigtan-aw.
Gipasiugda hinuon nga bisan pa sa pagsaka sa paggamit sa digital platforms, importante gihapon ang kredibilidad, tukmang impormasyon ug responsableng pagbalita aron malikayan ang pagkatag sa sayop nga balita ug impormasyon.
Photo Courtesy:Emeritus
