Gilunsad sa Pag-IBIG Fund ang Special Assistance for Financial Emergencies o SAFE Loan Program aron makatabang sa mga miyembro nga naapektuhan sa padayong pagsaka sa presyo sa mga palaliton ug serbisyo.
Gitugotan sa programa ang mga kwalipikadong miyembro nga makautang og hangtod P10,000 o hangtod sa 90 porsyento sa ilang natigom nga Pag-IBIG Regular Savings, bisan asa ang mas ubos.
Matud sa ahensya, ang maong pautang mahimong gamiton sa pagtabang sa mga gastuhanan sa panimalay ilabina samtang nagpadayon ang epekto sa tensyon sa Middle East sa presyo sa merkado.
Gilauman nga makahatag kini og dugang nga pinansyal nga suporta sa mga miyembro nga nanginahanglan og tabang sa karon nga kahimtang sa ekonomiya.
Photo Courtesy: Philippine News Agency
