Gisuportahan sa Philippine Sports Commission o PSC ang bag-ong kooperasyon tali sa Philippine Athletics Track and Field Association ug Korea Junior Athletics Federation alang sa pagpalambo sa athletics.
Naglakip ang maong programa sa pagbinayloay og mga student-athletes diin ang mga Pilipinong atleta adunay higayon nga makabansay ug makakompetensya sa South Korea, samtang ang mga Koreanong atleta moapil usab sa mga torneyo sa Pilipinas.
Gilauman nga makatabang kini sa pagpalig-on sa talento sa kabatan-onang mga atleta pinaagi sa internasyonal nga kasinatian ug mas taas nga lebel sa kompetisyon.
Gipasiugda usab sa PSC ang importansya sa grassroots development aron mas mapalambo pa ang kahimtang sa athletics sa nasud.
Photo Courtesy:Philippine News Agency
