Nagpadayon nga naghatag og libreng serbisyo sa katawhan ang Office of the City Vice Mayor sa Kidapawan City, lakip na ang legal counseling, notarial services ug tabang sa franchise applications.
Base sa report nga gipresentar niadtong Hunyo 15, kapin 287 ka mga residente ang nakadawat og libreng legal advice ug counseling sukad Hunyo 2025, samtang 3,968 ang nakapahimulos sa libreng notarial services.
Mikabat usab sa 605 ka franchise applications ang natabangan sa opisina, samtang 127 ka benepisyaryo gikan sa 30 ka barangay ang nakadawat og tabang pinaagi sa Hog Dispersal Program.
Sa aspeto sa social welfare, 510 ka mga indibidwal ang nakadawat og medical assistance gikan Enero hangtod Hunyo ning tuiga, samtang 39 ka pamilya ang nabigyan og burial assistance.
Ang maong accomplishment report gipadayag sa buhatan sa City Vice Mayor, isip kabahin sa padayon nga paghatag og serbisyo ngadto sa mga molupyo sa syudad.
Photo Courtesy: wikidata
