Giduso na sa Korte Suprema ang kontrobersiya, kabahin sa liderato sa Senado. Gibutyag ni Senador Alan Peter Cayetano nga sila mismo ang misang-at sa petisyon, aron mahatagan og legal nga paghubad ang isyu.
Matod ni Cayetano, ang ilang gihimong lakang, dili alang sa personal nga interes nga masiguro nga siya gihapon ang magpabiling lider sa Senado, kundili, ang tumong niini nga mapanalipdan ang kagawasan ug independensya sa Senado, isip usa ka patas nga bahin sa gobyerno.
Gipasabot usab sa senador nga importante nga ang mga pangutana nga adunay kalabutan sa Konstitusyon, masulbad pinaagi sa balaod ug dili pinaagi sa politikal nga interes. Dugang pa niya, ang petisyon nagtinguha usab sa pagpanalipod sa katungod sa Senado sa pagpangita sa kamatuoran, bisan kinsa ang modala.
Photo Courtesy: Inquirer.net
