Mokabat sa onse ka tawo ang nangamatay, human gilunsad ang missile strike sa pwersa sa Russia sa kapital sa Ukraine nga Kyiv. Ang maong pag-atake, nakaigo usab sa usa ka bantogan nga UNESCO-listed heritage site nga Kyiv Pechersk Lavra Monastery, nga usa ka importante nga relihiyosong ug kultural nga panulundon sa nasud.
Gikondena ni Ukrainian President Volodymyr Zelenskyy ang maong insidente ug iyang gibutyag nga tinuyo ang pagpang-target sa mga kultural nga panulundon sa Ukraine. Matod pa niya, kini usa ka klarong paglapas sa internasyonal nga balaod ug nagpakita sa padayon nga tensyon sa gubat.
Sa bahin sa Europe, daghang lider ang nagpahayag og kasuko sa maong pagpamomba, ug nanawagan kini sa dugang nga silot batok sa Russia. Gibutyag usab nila nga kinahanglan maprotektahan ang mga sibilyan ug mga cultural heritage sites, aron malikayan ang mas dagkong trahedya sa umaabot.
Photo Courtesy: Reuters
