Ipahigayon ang Nationwide Simultaneous Earthquake Drill karong adlawa’ng Huwebes, Hunyo 18, sumala sa Office of the Civil Defense (OCD).
Kaabag sa OCD sa drill ang mga miyembrong ahensya sa National Disaster Risk Reduction and Management Council (NDRRMC). Misalmot usab ang mga opisyal sa ceremonial pressing of the button didto sa Camp Aguinaldo sa Quezon City isip hudyat sa pagsugod sa tibuok nasod nga earthquake drill.
Sundan kini sa opisyal nga paglunsad sa Harmonized National Contingency Plan alang sa Highly-Intensity Earthquake sa Greater Metro Manila Area.
Sa contingency plan, nakalatag ang coordination plan alang sa nasudnong kagamhanan, regional disaster risk reduction and management councils, ug mga lokal nga panggamhanan sa kasagsagan sa mga kusog nga lindol lakip na ang gitawag nga “Big One.”
Ubos niini, ang mga ahensya sa mga kasikbit nga rehiyon lakip na ang Region 3 ug 4, ipadala ngadto sa Metro Manila aron mohatag og dinalian nga search, rescue, ug operations support.
Ipahigayon usab ang usa ka tabletop exercise diin himoon ang simulation sa pag-igo sa magnitude 7.2 nga linog tungod sa paglihok sa West Valley Fault, nga mosulay sa kaandamon ug koordinasyon sa national ug regional response systems atol sa mga kusog nga linog nga mamahimong makaapekto sa Metro Manila ug mga silingang rehiyon.
Photo courtesy: Office of Civil Defense/ GMA News
