Kumpirmadong nakabsan sa kinabuhi ang isa ka indibidwal samtang upat ka laing indibidwal ang naangol human miigo ang usa ka magnitude 6.3 nga linog sa amihanang-kasadpang lalawigan sa Qinghai, China kagahapon Hunyo 16, 2026.
Matod sa China Earthquake Networks Centre, natala ang maong pagtay-og bandang alas-5:06 sa hapon (oras sa Beijing) sa Haixi prefecture nga adunay gilawmon nga 10 ka kilometro, hinungdan nga mas mabati ug mas delikado ang epekto niini sa ibabaw sa yuta.
Aron matubag ang dinaliang pangihanglan, ang state broadcaster nga CCTV nagtaho nga gibana-bana nga 320 ka mga rescue personnel ang dinaliang gipakatap sa dapit alang sa search and rescue operations. Gi-evacuate usab ang mga trabahante sa mga kasilinganang minahan sa carbon isip pag-amping samtang gisusi pa sa mga otoridad ang kinatibuk-ang damyos sa maong dapit.
Bisan pa man sa kakusog sa linog, nagpabiling normal ug maayo ang dagan sa komunikasyon, kuryente, linya sa tubig, ug mga kalsada sulod sa 50 ka kilometro gikan sa epicenter.
Padayon hinuon ang gihimong imbestigasyon ug assessment sa mga lokal nga opisyal aron masayran ang ensaktong gidak-on sa kadaot sa mga kabayayan ug imprastraktura.
Photo Courtesy: (EPA Images pic) Free Malaysia Today
