Nag-atubang og bag-ong mga alegasyon sa pagdawat og minilyon nga suhol sila si Commission on Elections (Comelec) Chairman George Erwin Garcia ug Senator Chiz Escudero kalabot sa isyu sa Flood Control budget.
Kini human gipaatubang nila Atty. Levito Baligod ug kanhi Congressman Mike Defensor ang mga bag-ong testigo—lakip si Jeron Valderrama nga nagpailang kanhi bodyguard ni Rep. Zaldy Co—nga mialegar nga nakasaksi sa maong mga paghatod og kwarta nga nakasulod sa maleta ug hand carry bag.
Sumala sa mga testigo, labing minus ₱10 milyon ang giingong gitunol kang Garcia, samtang upat ka maleta nga adunay managlahing gidak-on ang gidala matud pa ngadto sa panimalay ni Senador Escudero sa New Manila niadtong tuig 2024. Gilambigit usab sa maong transaksyon ang usa ka hulagway diin makita si Senator Kiko Pangilinan kauban ang iyang asawa nga si Sharon Cuneta.
Hugot usab gilimod ni Chairman Garcia ang maong mga pasangil ug gihulagway kini nga puros bakak ug walay kamatuoran.
Giinsister pa ni Garcia nga dili magtakdo ang pamahayag sa mga testigo tungod kay sa una nilang sulti, upat ka maleta ang gihatag kaniya sa gawas sa usa ka hotel, apan sa ulahi nausab kini ug nahimo nalang nga usa ka gamay nga hand carry bag
Photo Courtesy: BNC
