Patay ang usa ka drayber human targeton sa Israeli military ang iyang sakyanan pinaagi sa drone strike sa habagatang Lebanon, sumala sa mga tinubdan sa seguridad sa Lebanon ug sa state media niadtong Lunes.
Ang maong pag-atake mao ang unang gitahong makamatay nga opensiba sa Israel sulod sa Lebanon sukad gipahibalo ang kasabutan tali sa Estados Unidos ug Iran, nga gitumong unta sa pagpamenos sa tensyon sa rehiyon sa Middle East.
Wala pa mailhi sa mga awtoridad ang biktima sa insidente, samtang wala usab dayong nagpagawas og pahayag ang Israel Defense Forces (IDF) bahin sa maong operasyon.
Nagpabiling tensyonado ang sitwasyon tali sa Israel ug mga grupo sa Lebanon bisan pa sa bag-ong kasabutan sa U.S. ug Iran, nga nagpakita nga aduna gihapoy hulga sa dugang nga panagbangi sa rehiyon.
Photo Courtesy : AP News
