Gikompirma ni Renato Bantug nga magpadayon gihapon ang impeachment trial sa Hulyo 6, 2026, sumala sa naunang kasabutan sa mga senador sa wala pa ang nahitabong tensiyon ug panaglalis sulod sa Senate of the Philippines.
Matud ni Bantug, wala’y kausaban sa iskedyul sa impeachment trial. Niadtong Lunes, parehong misumite ang defense panel ug prosecution panel sa ilang mga pre-trial brief ngadto sa opisina ni Senate Secretary Bantug.
Gikumpirma usab ni Atty. Bantug nga maghimo sila og pre-trial conference karong Huwebes, Hunyo 18, alas-9:00 sa buntag. Wala pa masayre ni Bantug kung unsa kadugay ang maong pre-trial conference.
Gipasabot usab niya nga dili obligado ang mga senador nga motambong sa pre-trial conference tungod kay ang motambong lamang mao ang piniling mga representante ug abogado sa kampo sa depensa ug sa prosekusyon.
Photo Courtesy: Congress of the Philippines
