Usa ka dako nga private investment fund nga nagkantidad og gibanabana nga $300 bilyon ang giapil sa usa ka framework agreement tali sa United States ug Iran nga nagtumong sa pagtapos sa gubat sa Tunga-silangang rehiyon.
Sumala sa usa ka tinubdan nga adunay direktang kahibalo sa kasabutan, ang maong pondo gituyo aron dasigon ang Iran nga makab-ot ang hingpit nga kalinaw tali sa Estados Unidos ug Iran
Gikatahong kapin sa katunga sa maong kantidad ang nakakuha na og mga commitment gikan sa nagkalainlaing kompanya sa Amerika, mga nasud sa Gulf, Asya, South America, ug Africa.
Gitumong ang pondo alang sa pagpamuhunan sa mga sektor sama sa enerhiya, transportasyon, manufacturing, ug logistics.
Matod sa report, ang gitawag nga “Reconstruction and Development Fund” dili mogamit og pondo gikan sa gobyerno, kondili usa lamang ka private investment vehicle.
Photo Courtesy: Outlook Business
