Gikalipay ni Anne Curtis human siya nahimong nominado sa Outstanding Asian Star category sa Seoul International Drama Awards sa South Korea.
Sa iyang post sa X, miingon si Anne nga “so kilig” siya sa maong nominasyon ug dako ang iyang pasalamat bisan pa man nga iyang giila nga kusog kaayo ang suporta ug voting power sa ubang internasyonal nga mga bituon sama ni Jisoo.
Makigsangka siya sa ubang bantugang Korean stars sama nila: Doh Kyung-soo, Suzy, Kim Seon-ho, Jun Ji-hyun, Ji Chang-wook.
Apil usab sa listahan sa mga nominado ang daghang Pilipinong artista sama nila Paulo Avelino, Kim Chiu, Joshua Garcia, Angelica Panganiban, Bela Padilla, Gerald Anderson, ug Dingdong Dantes.
Nagpasalamat usab si Anne sa iyang mga fans nga nagboto para kaniya online ug miingon nga dako nang dungog alang kaniya ang pagka-nominar.
Ang Seoul International Drama Awards, nga gitukod niadtong 2005, usa ka prestihiyosong internasyonal nga pasidungog alang sa mga drama sa telebisyon ug nagpalambo sa pagbinayloay sa kultura tali sa nagkalain-laing mga nasod.
Photo Courtesy: Fashion Pulis
