Nagpahimangnoa ang Bureau of Animal Industry (BAI) sa mga hog raisers nga mag-andam batok sa posibleng pagsaka sa kaso sa African Swine Fever (ASF) sa pagsugod sa ting-ulan.
Matod sa BAI, ang dugay nga pagkababad sa mga baboy sa bugnaw ug basa nga palibot mahimong hinungdan sa respiratory illnesses, skin infections ug pagkatakod sa ASF.
Gihangyo sa ahensya ang mga hog raisers nga siguruhon ang lig-on nga atop ug pader sa mga tangkal aron malikayan ang pagbaha, ug ipadayon ang husto nga drainage system ug disinfection aron mapugngan ang pagkatap sa virus.
Giingon sa BAI nga kinahanglan dayong ireport sa mga veterinary o local auhorities ang bisan unsang dili normal nga sintomas sa mga baboy aron dali mapugngan ang pagdaghan sa sakit.
Bisan dili delikado sa tawo, dako ang epekto sa ASF sa industriya sa hog raisers ug sa panginabuhian sa liboan ka mag-uuma sa nasud.
Photo Courtesy: Feedstuff
