Padayon nga gipatuman sa National Meat Inspection Service (NMIS) Region IX ang Basic Meat Inspection Course isip kabahin sa padayon nga kampanya alang sa luwas ug limpyo nga karne sa merkado.
Matod ni National Meat Inspection Service Regional Technical Operation Center- IX OIC Regional Director Dr. Rudio Abulencia, kada tuig sila nagahimo sa maong programa aron mas modaghan pa ang ma-train nga mga Meat Inspector sa rehiyon.
Segon niya, ang maong training program nagtinguha sa pagpalig-on sa kahibalo ug kahanas sa mga Local Government Unit Meat Inspection Officers (MIOs), aron masiguro nga ang karne nga ginabaligya ug ginakaon sa publiko kay limpyo ug luwas.
Ang training pagadumalaon uban sa pakigtambayayong sa mga partner agencies, diin himoon lectures ug hands-on training sama sa anti-mortem ug post-mortem inspection, meat hygiene, ug food safety standards.
Human sa training, ang mga partisipante gilauman nga mahimong accredited meat inspectors sa ilang tagsa-tagsa ka Local Government Unit (LGUs).
Giingon ni Abulencia, ang pagpadayon sa programa nagpakita sa paningkamot sa gobyerno sa pagseguro sa kaluwasan sa pagkaon ug proteksyon sa consumer.
