Padayon nga gipatuman sa Department of Health (DOH) 9 ang pagbutang ug treated nets sa pipila ka mga eskwelahan sa Zamboanga del Sur isip kabahin sa ilang kampanya alang sa kaluwasan ug kahimsog sa mga kabataan.
Kini subay sa gipahibalo ni Health Education and Promotion Officer Dahlia Aseniero atol sa bag-ohay lang nga gihimo nga media forum niining bag-o.
Segon ni Aseniero, ang maong treated nets usa ka special nga klase sa net nga gibutangan og insecticide aron mas epektibong mapugngan ang pagsulod sa lamok sulod sa mga classrooms.
Tumong matod pa, niini nga inisyatiba nga mapugngan ang pagdagsang sa mga sakit nga dala sa lamok sama sa dengue, ug mapadayon ang himsog ug luwas nga learning environment alang sa mga estudyante.
Gipasalig usab ni Aseniero, nga magpadayon ang pagpalig-on sa mga health programs sa mga eskwelahan pinaagi sa suporta sa matag Local Government Unit ug sa mga hensya sa kahimsog sa panlawas.
Padayon usab siyang nanawagan ug suporta gikan sa mga ginikanan, magtutudlo, ug komunidad aron mapalambo ang mga programa nga nagpanalipod sa kahimsog sa mga tinun-an sa lalawigan.
