Nagpagawas og pasidaan ang Bangko Sentral ng Pilipinas (BSP) batok sa mga indibidwal nga nagpakaaron-ingnong mga opisyal o kawani sa ahensya aron mangayo og donasyon o personal nga impormasyon gikan sa publiko.
Gipaklaro sa BSP nga wala sukad nagahimo ilang mga kawani sa pagpangayo ug donasyon o bisan unsang mga pinansyal nga kontribusyon gikan sa publiko.
Gihangyo usab sa ahensya ang publiko nga magbantay ug siguruhon ang tinuod nga gigikanan sa mga mensahe, dokumento o komunikasyon nga naggamit sa ngalan sa BSP.
Ang bisan unsang kadudahang kalihokan o pagpangilad kinahanglan dayong ireport sa kapulisan ug mga otoridad aron maimbestigahan.
Kini na ang ikaduhang pasidaan sa BSP sulod sa pipila ka semana batok sa mga peke ug malimbongong transaksyon nga naggamit sa ngalan sa ahensya.
Photo Courtesy: PHILIPPINE NEWS AGENCY
