Gipahibalo ni US President Donald Trump niadtong Lunes (oras sa Amerika) nga napirmahan na sa Estados Unidos ug Iran ang usa ka memorandum of understanding nga nagtumong sa pagtapos sa nagpadayong tensyon sa Gulf region ug pag-abli pag-usab sa Strait of Hormuz.
Matod ni Trump atol sa G7 Summit sa France, “The deal’s all signed,” ug iyang gipadayag nga naablihan na usab ang maong strait of Hormuz nga naapektuhan sa blockade sulod sa pipila ka bulan.
Gikatakdang ipahigayon ang usa ka espesyal nga seremonya sa Geneva karong Biyernes, diin gilauman usab nga ipagawas sa publiko ang tibuok detalye sa kasabutan sa umaabot nga mga adlaw.
Human sa pagpirma sa kasabutan, gitaho nga mikunhod ang presyo sa lana sa world market tungod sa paglaom nga mahunong na ang krisis sa suplay, samtang misaka usab ang daghang stock market indices.
Lakip usab sa giingong mga probisyon sa kasabutan ang pagpatuman sa 60 ka adlaw nga ceasefire aron magpadayon ang negosasyon sa mas dagkong mga isyu sama sa nuclear program sa Iran ug ang posibilidad sa pagtangtang sa pipila ka mga economic sanctions.
Photo courtesy: ABC7 Chicago
