Nohay mas vida cuando ya puede descubri con el man live-in partner del ayer na Sitio Monte Central, Barangay Patalon, donde con el maga victima ya identifica amo canda untal “AAA”, mujer, un menor de edad y si Rennyboy Lumasag Cañete, 21 anios, ambos residente del mencionao lugar
Mientrastanto na imbestigasyon ta aparece, mismo el live-in partner si Rennyboy el ya reporta na de atun otoridad despues este puede descubri nohay mas vida el de este live-in partner, insiguidas tambien ya enderesa el personajes del Police Station 10 Labuan despues resivi el report junto con el personajes tambien del Barangay Patalon.
Ademas cuando ya llega el otoridad na mismo casa, solamente el cuerpo lang del mujer, y cuando ya hace estos el checkiada areredor ya puede tambien encontra con Rennyboy nohay mas vida, Estimao 20 metro el distansya des de na casa, y por ultimo ete maga tiempo el maga resto del victima ta poder ya tambien ahora na de estos cadaycual familya.
