Gidawat sa Ateneo de Manila University ang resignation ni Tab Baldwin isip head coach sa Ateneo Blue Eagles, sumala sa gipahibalo sa unibersidad.
Matud ni Ateneo President Fr. Roberto “Bobby” Yap, SJ, gikinahanglan ang pagbag-o sa pamunuan aron masiguro ang hingpit nga integridad sa mga programa sa sports sa unibersidad ug ang epektibong pagpatuman sa mga safety protocols niini.
Ang maong pahayag gisunod sa opisyal nga pagdawat sa Ateneo sa resignation ni Baldwin, nga epektibo dayon.
Nahitabo kini taliwala sa nagpadayon nga imbestigasyon kabahin sa trahedya nga miresulta sa pagkamatay sa duha ka Ateneo student-athletes atol sa usa ka training activity sa Dipaculao, Aurora.
Sa pagkakaron, wala pa magpahibalo ang Ateneo kung kinsa ang mopuli kang Baldwin isip head coach sa Blue Eagles samtang nagpadayon ang pagrepaso sa mga programa ug safety measures sa ilang athletics department.
Photo courtesy: Atheneo de Manila
