Nagpahinumdom ang Philippine Institute of Volcanology and Seismology kun PHIVOLCS ngadto sa publiko nga magmatngon kabahin sa mga bakak ug sayop nga impormasyon nga nikatap karun sa social media.
Ang pasidaan sa ahensya napatuman human mikaylap sa internet ang mga bakak nga impormasyon mahitungod sa bag-o lamang nga 7.8 magnitude nga linog nga miigo sa Sarangani niadtong Hunyo 8, 2026.
Gihimakak sa ahensya nga walay nahitabong 8.2 magnitude nga linog sa eksaktong oras. Dugang pa niini, ang linog wala gipahinabo sa mga bulkan nga anaa sa ilalom sa Sarangani Bay.
Sa pagkakaron gi-awhag sa ahensya ang publiko nga dili dayon motuo sa mga impormasyon nga makita sa online ug gikinahanglang mutoo lamang sa mga lehitimong tinubdan sama na lamang sa online accounts sa DOST-PHIVOLCS.
Gipaklaro usab sa PHIVOLCS nga ang paglihok sa Cotabato Trench maoy hinungdan sa linog nga nahitabo niadtong Hunyo 8, 2026.
Photo Courtesy: Philippine News Agency
