Sikop sa mga kapulisan ang usa ka lalaking tigpayuhot ug illegal nga droga atol sa gipatumang buy bust operation pasado 10:00 sa gabii niadtong Hunyo 14, 2026 didto sa NHA Macahigad, Barangay San Alfonso Cateel, Davao Oriental.
Ang suspetsado naila nga si alyas “Lapi”, 56-anyos, minyo, walay trabaho ug lumolopyo sa maong lugar. Nasikop ang suspek pinaagi sa hiniusang pwersa sa mga personahe sa Cateel Municipal Police Station, kauban ang PDEU/SOT DOPPO, PDEA Region XI ug lain pang mga operatiba.
Atol sa operasyon narekober gikan sa dinakpan ang tulo ka heat-sealed nga plastic sachet sa gituohang shabu ug usa ka PHP 500 nga buy-bust money. Human sa pagdakop gipahibalo ang akusado sa iyang katungod pinaagi na sa pinulongan nga iyang nahibaloan.
Sa pagkakaron ang dinakpan gikustodiya sa Cateel Municipal Police Station alang sa hustong disposisyon ug mag-atubang sa kasong paglapas sa RA 9165 kun Comprehensive Dangerous Drugs Act of 2002.
Photo Courtesy: Cateel MPS
