Padayong nanawagan ang pamilya ug mga kaubanan sa simbahan sa church volunteer ug aktibista nga si Aldeem Yañez sa iyahang pagrelease, human sa upat katuig nga pagkadetina.
Kahibaluang si Yañez, nasikop sa ilahang balay sa Barangay Iponan sa Cagayan de Oro City kaniadtong Abril tuig 2022 ug ning kasamtangan nag-atubang og kasong paglapas sa Republic Act No. 10591, or the Comprehensive Firearms and Ammunition Regulation Act, terrorism financing ug uban pa.
Apan alang sa mga higala, kaubanan sa simbahan ug pamilya ni Yañez, padayon nilang gibarugan nga kini nga mga kaso, tumo-tumo lamang.
Sumala pa ni Kathleen Yañez, inahan ni Aldeem nga walay laing sala ang iyahang anak kundili ang pagserbisyo lamang sa simbahan. Nanghinaot ang ilahang pamilya nga mugawas ang kamatuoran ug mahatagan kinig pagtagad aron nga mubalik ang ilahang pagsalig sa panggamhanan.
Photo courtesy: Free Aldeem Yañez Now Campaign
