Gigukod na karon sa National Bureau of Investigation (NBI) ang mga hacker nga responsable sa pag-atake sa pipila ka websites sa gobyerno, lakip na ang sa House of Representatives, human masuta sa kagamhanan ang mga indibidwal nga posibleng nalambigit sa insidente.
Giklaro hinuon sa Cybercrime Investigation and Coordinating Center (CICC) nga walay bisan unsa nga sensitibong impormasyon o kritikal nga data ang nakuha sa mga hacker gikan sa maong cyber-attack, samtang gipasalig ni NBI Director Melvin Matibag nga patubagon sa balaod ang mga responsable tungod sa tataw nga paglapas niini.
Una niini, usa ka grupo nga nag-ila sa ilang kaugalingon nga “Nullsec Philippines” ang ming-ako sa pag-hack ug pag-usab sa pipila ka parte sa mga website sa gobyerno, diin nagbilin pa sila og mga mensahe nga nagbatikos sa Senado ug nagpunting sa isyu sa korapsyon sa nasud.
Bisan pa man sa mga gibiling pasidaan, gipaspasan na sa NBI ug sa mga cybercrime experts ang imbestigasyon aron hingpit nga ma-neutralize ug mapasakaan og saktong kasong kriminal ang mga nagpaluyo sa maong pagpangatake
Photo Courtesy:NBI
