Nakapukaw og interes ang usa ka talagsaong mansanas nga asa mga residente sa New Zealand human kini makita nga adunay halos perpektong pagbahin sa duha ka kolor—pula sa usa ka bahin ug dalag sa pikas.
Ang maong prutas nadiskobrehan sa usa ka delivery sa Red Braeburn apples sa usa ka tindahan sa prutas sa Christchurch. Sumala sa tag-iya sa Sunshine Corner Market nga si Heather, kini ang unang higayon nga nakakita siya og ingong matang sa mansanas sukad nagsugod siya sa negosyo.
Ang mansanas gitawag og Chimera apple, usa ka talagsaong panghitabo nga resulta sa genetic mutation diin ang prutas motubo gikan sa duha ka magkalahi nga genetic cell lines. Sumala sa mga eksperto, talagsaon kaayo kini ug mahimong mahitabo sa ubos pa sa usa sa matag usa ka milyon ka prutas.
Tungod sa talagsaong panagway niini, daghang mga tawo ang mibisita sa tindahan aron motan-aw ug magkuha og mga litrato sa maong mansanas. Aduna pay ubang kostumer nga nangayo og higayon nga makahikap niini tungod sa pagtuo nga mahimo kining makahatag og swerte.
Ang maong mansanas nahimong usa ka lokal nga atraksyon ug nakadani og dugang nga interes gikan sa mga residente ug mga bisita sa maong lugar
Photo Courtesy: Sunshine Corner Market
