Nakahimo og kasaysayan ang Qatar human nakuha ang ilang labing unang puntos sa World Cup sa dihang gisurprisa nila ang Switzerland pinaagi sa usa sa 1-1 nga tabla sa ilang unang dula niadtong Dominggo.
Unang nilamang ang Switzerland sa sayong bahin sa dula human mapasulod ni Breel Embolo ang usa ka penalty kick sa ika-13 nga minuto. Nanguna ang mga Swiss sa tibuok dula ug nakatira og 26 ka higayon, apan wala nila hingpit nga napatay ang dula tungod sa kahugot sa depensa sa Qatar.
Nabayaran sa Switzerland ang ilang mga nausik nga higayon sa dihang naka-own goal (nasipa sa kaugalingong net) ang Swiss player nga si Miro Muheim sa ika-94 nga minuto (injury time). Nahitabo kini tungod sa grabeng presyur gikan sa kapitan sa Qatar nga si Boualem Khoukhi, hinungdan nga nagsadya ang koponan.
Kini ang ikaduhang higayon nga nakasulod ang Qatar sa World Cup finals human sila nahimong host niadtong 2022. Kini sab ang unang higayon nga nakapamintor (coach) sa World Cup ang ilang Spanish mentor nga si Julen Lopetegui.
Karong moabot nga Miyerkules, makatigi sa Switzerland ang Bosnia didto sa Los Angeles, samtang makasangka sa Qatar ang co-host nga Canada didto sa Vancouver.
Photo courtesy: Reuters
