Kung ang uban naglikay sa tam-is tungod sa diabetes, adunay usa ka lalaki sa Germany nga murag gustong himuong softdrinks ang dugos.
Nakapahibulong ug nakapakatawa ang gibuhat ni Andre Ortolf human niyang nahurot ang kapin 1.2 kilos nga dugos sulod lamang sa usa ka minuto, nga maoy nakaparekord kaniya sa usa ka talagsaong world record.
Sa video nga mikaylap online, makita si Ortolf nga walay kahadlok nga gisuyop ang balde sa dugos. Ang uban nga nakatan-aw miingon nga sila gani masangit na sa unang kutsara pa lang.
Tungod sa iyang nahimo, daghan ang miingon nga basin dili na dugo ang nagaagos sa iyang lawas kondili dugos na mismo.
Bisan kataw-anan paminawon, tinuod nga gikaon niya ang 1,273 gramos nga dugos sulod sa 60 segundos—usa ka kalampusan nga siguradong makahatag og grabe nga sugar rush ug tingali libre nga serbisyo sa dentista human sa rekord.
Photo courtesy: Oddity Central
