MAYOR SA OAXACA MEXICO GIPUSIL PATAY

Gipusil patay ang mayor sa lungsod sa San Miguel Amatitlán sa estado sa Oaxaca nga si Joel Bravo Martinez, nahitabo ang pagpamanhig kaniadtong Sabado Hunyo 13, 2026 diin giisip nga usa ka seryosong kaso nga may kalabotan sa nagpadayong hulga sa seguridad sa pipila ka lokal nga opisyal sa nasud. 

Subay sa report, sa wala pa ang insidente, nangayo na matod pa og proteksyon ang mayor tungod sa mga hulga batok sa iyang kinabuhi. Tungod niini, ang Oaxaca State Prosecutor’s Office ug ang National Security Cabinet nagtinabangay aron madakpan ug mapanubag ang mga responsable sa maong krimen. 

Gipadaghan usab ang pwersa sa seguridad sa maong lugar aron malikayan ang susamang mga insidente.

Giingon nga ang maong panghitabo nagpasidaan sa padayong problema sa kapintas nga giatubang sa pipila ka bahin sa Mexico, ilabina batok sa mga lokal nga lider ug opisyal sa gobyerno. 

Nahitabo kini samtang nag-host ang Mexico sa 2026 FIFA World Cup kauban ang Estados Unidos ug Canada, diin gipasalig sa gobyerno nga adunay igong mga lakang sa seguridad aron mapanalipdan ang publiko ug mga bisita.

Photo Courtesy: The News International