Gikasal na si Jimuel Pacquiao ug ang iyang non-showbiz partner nga si Carolina sa usa ka pribado apan matahum nga seremonya sa California, United States. Gitambongan ang maong okasyon sa ilang mga suod nga higala, kabanay ug mga kaila.
Lakip sa mitambong sa kasal ang amahan ni Jimuel nga si Manny Pacquiao ug ang iyang inahan nga si Jinkee Pacquiao, nga parehong nagpakita sa ilang suporta ug kalipay alang sa bag-ong kinabuhi sa ilang anak.
Niadto usab sa maong selebrasyon ang mga igsuon ni Jimuel nga sila si Mary Pacquiao, Queenie Pacquiao, ug Israel Pacquiao aron makig-uban sa mahinungdanong higayon sa ilang pamilya.
Didto usab sa selebrasyon ang ilang lola nga si Dionisia Pacquiao ug ang ilang iyaan nga si Janet Pacquiao. Puno sa mga mensahe sa pagdayeg ug pagbati sa kalipay alang sa bag-ong magtiayon samtang gisugdan nila ang ilang pagpanumpa isip bana ug asawa.
Photo Courtesy:Jimuel Pacquiao IG
