Gihimakak sa It’s Showtime host nga si Vice Ganda ang nikatap nga fake news sa social media nga matod pa nakakuha siya og 50 ka tickets alang sa umaabot nga concert sa BTS dinhi sa nasod karong March 2027.
Pinaagi sa iyang X account, dako ang kasuko sa Kapamilya star ug gitubag ang usa ka netizen nga nanaway kaniya. Matod pa ni Vice, dili tinuod ang tsismis ug wala gani siya nasayod sa iyang schedule nianang adlawa. Gawas kang Vice, nadamay sab ang content creator nga si Zeinab Harake sa isyu, apan daling nipasabot nga anaa siya karon sa Europe kauban ang iyang bana.
Sa pagkakaron, hurot-hurot na ang mga ticket alang sa concert sa BTS, hinungdan nga naglaom ang mga fans nga dungagan pa og laing adlaw ang concert sa K-pop group.
Photo courtesy: Fashion Pulis
