Nagpadala og emergency relief assistance ang United Arab Emirates pinaagi sa UAE Aid Agency aron matabangan ang mga apektado sa magnitude 7.8 nga linog sa Southern Philippines.
Nagpahayag si Dr. Tareq Ahmed Al Ameri nga ang maong ayuda kabahin sa humanitarian commitment sa UAE alang sa mga komunidad nga naapektuhan sa natural nga kalamidad.
Nagbase ang paghatag sa tabang sa usa ka komprehensibong assessment nga gihimo sa ahensya uban sa koordinasyon sa mga may kalabutan nga otoridad sa Pilipinas aron matubag ang pinakaimportante nga panginahanglan sa mga biktima.
Nagpaabot usab ang nasod sa ilang pakighiusa sa gobyerno ug katawhan sa Pilipinas, ug naghatag og lawom nga pakikiramay sa mga pamilya sa mga namatay samtang nanghinaut sa dali nga pagkaayo sa mga nasamdan.
Nagpadayon ang internasyonal nga suporta alang sa mga komunidad nga naapektuhan sa linog samtang nagpadayon ang relief ug recovery operations sa Mindanao.
Photo Courtesy: Philippine News Agency
