Bug-os ang suporta ni Mayor Levi Ebdao sa Interfacing Activity ug sa Peacebuilding and Community Development Program sa LGU-Compostela tungod sa dako nga papel sa pagpalig-on sa panaghiusa ug pagsinabtanay tali sa gobyerno ug sa nagkadaiyang sektor sa komunidad, ilabi na sa mga trabahante.
Kauban niya ang mga uniformed personnel nga padayon nga nagserbisyo alang sa kalinaw ug kaluwasan sa lungsod sa Compostela, ug ang MLGOO Gwen Cornites nga kanunay naghatag og giya ug suporta sa pagpalig-on sa local governance initiatives.
Nagtuo siya nga ang kalinaw ug kalamboan dili lamang responsibilidad sa usa ka ahensya o sektor, kondili resulta sa hiniusang paningkamot sa tanang bahin sa gobyerno ug sa katawhan.
Pinaagi sa maong programa, mas mapadali ang pagdungog sa mga kabalaka, panginahanglan, ug mga sugyot sa atong mga manggagawa aron matubag kini pinaagi sa koordinado ug episyenteng serbisyo gikan sa mga Local Government Units ug National Government Agencies.
Padayon ang paningkamot sa LGU Compostela sa pagpalambo sa mga programa nga nagtukod og pagsalig, naghatag og oportunidad, ug nagmugna og mga solusyon sa mga hagit nga giatubang sa mga katawhan.
